२०८१ माघ २४, बिहिबार
२०८१ माघ २४, बिहिबार
सुदूरपश्चिममा वैशाखको सुरुवातसँगै देखापरेको कोराेनाको दोस्रो लहरको नयाँ भेरियन्टको संक्रमणले दुई सातामै विकराल रूप लियो। संक्रमण तीव्र रूपमा फैलिएसँगै जटिल प्रकृितका संक्रमित र मृत्यु हुनेको संख्या बढ्न थालेपछि वैशाख १६, १७ गतेदेखि कैलाली कंचनपुर लगायत सुदूरपश्चिमका प्रायःजसो जिल्लामा निषेधाज्ञा लागु गरियो।
संक्रमण र मृत्युदर बढी भएका कैलाली र कंचनपुरमा वैशाख १६ गते यता निषेधाज्ञा जारी छ। यसैगरी अन्य विभिन्न जिल्लामा पनि निषेधाज्ञा छ। निषेधाज्ञा जारी भएको तीन साताको अवधिमा पनि कोराेनाको संक्रमण र मृत्युदर बढ्दै गएको छ। कैलाली र कंचनपुर जिल्लामा निषेधाज्ञा लगाउन अघि वैशाख १५ गते सुदूरपश्चिममा सक्रिय संक्रमितको संख्या २ हजार ४ सय ४० जना रहेको थियो।
मृत्यु हुनेको संख्या ७२ जना मात्र थियो। निषेधाज्ञाको अवधिमा करिव १० हजार सक्रिय संक्रमित थप भएका छन् भने ३ सय ४६ जनाले ज्यान गुमाएका छन्। स्वास्थ्य निर्देशनालयका अनुसार अहिले सुदूरपश्चिममा सक्रिय संक्रमितको संख्या १२ हजार २ सय ५५ रहेको छ भने मृत्यु हुनेको संख्या ४ सय १८ जना पुगेको छ। सबैभन्दा बढी कैलालीमा ५ हजार ४ सय १० सक्रिय संक्रमित रहेका छन भने कंचनपुरमा २ हजार २ सय ६३ सक्रिय संक्रमित रहेका छन्। सुदूरपश्चिममा शुक्रबार १ हजार ९० जना संक्रमित थपिएका छन्।
आजको नागरिक दैनिकमा खबर छ ।
