२०८१ मङ्सिर २८, शुक्रबार
२०८१ मङ्सिर २८, शुक्रबार
काठमाडौँ- स्पेनिस ला लिगा फुटबलमा रियल म्याड्रिडले उपाधि होडमा आफ्नो एकल अग्रता जारी राखेको छ । शनिबार भएको खेलमा भ्यालेन्सियालाई ४-१ ले पराजित गर्दै उपाधि होडमा उसले दोस्रो स्थानको सेभियासँग पुन ८ अंकको अग्रता बनायो ।
शनिबार राति भएको खेलमा करिम बेन्जमा र भिनिसियस जुनियरले समान २-२ गोल गर्दै दोस्रो स्थानको सेभियासँग ८ अंकको अग्रता कायम राखे । घरेलु मैदान सान्टियागो बर्नेबाउमा भएको खेलमा रियलले करिम बेन्जमाको पेनाल्टी मार्फत खेलमा अग्रता लिएको थियो । कासेमिरोमाथि फल भएपछि पाएको पेनाल्टीलाई बेन्जमाले ४३औँ मिनेटमा सदुपयोग गर्दै टीमलाई पहिलो हाफमा १-० को अग्रता दिलाए ।
दोस्रो हाफमा भिनिसियस जुनियरले सुरुवातमानै अग्रता दिलाए । उनले ५२ औँ मिनेटमा अग्रता दोब्बर बनाए । जुनियरलेनै ६१ औँ मिनेटमा दुई डिफेन्डर विट गर्दै टिमको अग्रता ३-० मा पुर्याए । भ्यालेन्सियाले भने गोन्जालो गुडेसको ७६ औँ मिनेटको गोलमा खेलमा फर्किने प्रयास गरेको थियो । पेनाल्टी पाएपछि गुडेसले गरेको प्रहार गोलरक्षकले रोकेका थिए । तर रिबाउन्डमा हेड गर्दै गुडेसलेनै टीमको अग्रता ३-१ मा पुर्याए ।
रियलको फराकिलो अग्रता कायम राख्ने क्रममा खेल सकिन निर्धारित समयको दुई मिनेट बाँकी हुँदा बेन्जामाले व्यक्तिगत दोस्रो तथा टीमका लागि चौथो गोल गर्दै खेल ४-१ ले आफ्नो पक्षमा पारे । जितसँगै रियलले २० खेलबाट ४९ अंक बनाएर शीर्ष स्थानमा कायम रहेको छ । दोस्रो स्थानको सेभियाको ४१ अंक रहेको छ ।
