२०८१ मङ्सिर २८, शुक्रबार
२०८१ मङ्सिर २८, शुक्रबार
काठमाडौं- डोटीमा मतदान अधिकृत र मतपेटिका बोकेको जीप दुर्घटना भएको छ। प्रहरीका अनुसार बिहीबार बडीकेदार गाउँपालिका–५, मार्कोटस्थित उपस्वास्थ्य चौकी मतदान केन्द्रमा खटाइएको बा२झ २२३५ नम्बरको जीप अत्तरकाँडामा दुर्घटना भएको हो।
उपस्वास्थ्य चौकी मार्कोट मतदान केन्द्र ‘क’का मतदान अधिकृत उत्तम उपाध्याय र मतदान केन्द्र ‘ख’का अधिकृत दिनेशसिंह रैखोला सवार जीप दुर्घटनामा परेको हो।
जीपको ‘ब्रेक फेल’ भएर भित्तामा ठोक्किएर सडकमै पल्टिएको छ। बीपीनगर प्रहरी चौकीको टोलीको सहयोगमा मतदान अधिकृत र मतपत्र उपस्वास्थ्य चौकी मार्कोट मतदान केन्द्रमा पठाइएको प्रहरीले जनाएको छ।
