काठमाडौँ- संघीय संसद, प्रतिनिधि सभा कार्यव्यवस्था परामर्श समितिको बैठक चलिरहेको छ । सभामुख अग्नि सपकाेटाकाे अध्यक्षतमा नयाँ बानेश्वरस्थित संसद् भवनमा जारी बैठकमा नेपाली कांग्रेसतर्फबाट गृहमन्त्री बालकृष्ण खाँण, कानून, न्याय तथा संसदीय मामिलामन्त्री दिलेन्द्रप्रसाद बडू, सचेतक पुष्पा भुसाल सहभागी छन् । 

यस्तै नेकपा (माओवादी केन्द्र) का तर्फबाट प्रमुख सचेतक देवप्रसाद गुरुङ, सचेतक रेखा शर्मा, नेकपा(एकीकृत समाजवादी) का प्रमुख सचेतक जीवनराम श्रेष्ठ, लोकतान्त्रिक समाजवादी पार्टीका उमाशङ्कर अरगरिया छन् ।

प्रमुख प्रतिपक्ष नेकपा (एमाले) भने अनुउपस्थित रहेको छ । बुधबार दिउँसो १ बजेका लागि बोलाइएको प्रतिनिधि सभा बैठकको एजेन्डा तय गर्न कार्यव्यवस्था समितिको बैठक बसेको हो ।