२०८१ मङ्सिर २८, शुक्रबार
२०८१ मङ्सिर २८, शुक्रबार
लुम्बिनी प्रदेशसभा सदस्य विमला कुमारी ओलीले आफ्नो फोटो इडिट गरेर चरित्र हत्या गर्न खोजिएको बताएकी छन् । वाईसीएल कार्यकर्ता एकराज बस्नेत र आफ्नो फोटो इडिट गरेर ‘फसाउन’ खोजेको भन्दै उनले आपत्ति जनाएकी हुन्। बस्नेतको अंगालोमा बसी उनले गालामा चुम्बन गरेको फोटो सामाजिक सन्जालमा भाइरल भएपछि उनले स्पष्टीकरण दिएकी हुन् ।
बुधबार साझ आफ्नो फेसबुक वालमा विज्ञप्ति जारि गर्दै उनले राजनीतिक प्रतिशोध साँधेर फसाउन खोज्ने झुण्डले यस्तो गतिबिधि गरेको बताएकी छन् । ‘हिजो एकाएक सामाजिक सञ्जालमा मेरो फोटोलाई फोटोसपबाट मिलाएर जुन किसिमले चरित्र हत्या गर्ने दुस्प्रयास गरियो यसको म कडाभन्दा कडा निन्दा गर्न चहान्छु’ उनले बिग्यप्त्रिमा लेखेकी छन्। ‘एकाएक मेरो फोटो जोडेर आउँदा म आफैं आश्चर्यचकित भएकी छु । म यो घटनामा सम्बन्धित छैन र जानकार पनि छैन उनले भनेकी छन्।
आफ्नो चरित्रमाथि दाग लाग्ने गरी ‘साइबर स्याल’हरुबाट चरित्र हत्याको दुस्प्रयास भएको भन्दै उनले यसमा संलग्नमाथि कारवाहीको माग समेत गरेकी छन् ।
आफूले माओवादी पार्टी रोजेपछि एमालेमै रहन पटक–पटक दबाब दिइएको भएपनि आफू प्रतिबद्ध भएर माओवादी केन्द्रमै रहेपछि यसरी चरित्र हत्या गर्न खोजिएको उनको भनाइ छ । ‘माओवादी केन्द्रं रोजेपछि केही तत्वहरुबाट ममाथि पटक–पटक आक्रमण गर्ने प्रत्यत्न गरिरहेका थिए, मुख्यमन्त्री कार्यालयमा एक हप्ता बन्धक बन्नु पनि त्यसैको उपज थियो । अहिले पनि पटक–पटक मलाई पार्टी परित्याग गर्न दवाब आइरहेको थियो । तर, म आफ्नो पार्टीप्रति प्रतिबद्ध हुँदा मेरो राजनीतिक जीवनलाई धरापमा पार्ने दुस्प्रयास स्वरुप नै मेरो चरित्र हत्या गर्न खोजिएको हो । यसमा कोही पनि भ्रममा नपर्न अनुरोध गर्दछु’ विज्ञप्तिमा उनले भनेकी छन् ।
वाइसीएलका कार्यकर्ता बस्नेतले एस अघि आफु अनभिज्ञ रहेको बताएको भए पनि अहिले आफ्नो फेसबुक आइडी कसैले ह्याक गरेर फोटो इडिट गरी भ्रम छर्न खोजेको बताएका छन् । फेसबुक वालमा बस्नेतले लेखेका छन्, ‘मेरो फेसबुक कसैले ह्याक गरेर फोटो इडिट गरी भ्रमको खेती गरिएकोमा दुखित र गम्भीर बनाएको छ। ‘नाताले विमला मेरो दिदी हुनुहुन्छ, राजनीतिक प्रतिशोध साधेर चरित्र हत्या र बद्नाम गर्न खोजिएको हो भन्दै बस्नेतले भ्रमको पछि नलाग्न आग्रह गरेका छन् ।
तत्कालीन नेकपाबाट उपनिर्वाचन जितेकी विमलाले नेकपा खारेजपछि माओवादी केन्द्र रोजेकी थिइन् । उनलाई एमालेले पार्टीमा ल्याउन निकै प्रयास गरेपनि असफल भएको थियो । लुम्बिनी प्रदेशमा एमाले नेता शंकर पोखरेल नेतृत्वको सरकार असफल हुनुमा विमला नै निर्णायक बनिन ।
श्रीमान् उत्तरकुमार ओलीको निधन पछि सांसद बनेकी खत्रीले माओवादी केन्द्र छोडेर एमालेमा आएकी हुन् .
उत्तरकुमार ओली २०७४ सालमा एमालेबाट निर्वाचित भएका थिए। उनको सवारी दुर्घटनामा मृत्यु भएपछि श्रीमती विमला प्रदेश सभा सदस्यमा निर्वाचित भएकी थिइन्।
उपनिर्वाचनमा आफूले माओवादी नेताहरूबाट नै बढी समर्थन र सहयोग पाएकाले सोही पार्टीमा लाग्ने निणर्य गरेको विमलाले बताउँदै आएकी थिइन्। तसर्थ उनको झुकाव माओवादी पार्टीप्रति नै रहेको थियो।
उनलाई भाउजु सासदका नामले समेत चिन्ने गरेका छन्।
.jpg)
