२०८१ मङ्सिर २७, बिहिबार
२०८१ मङ्सिर २७, बिहिबार
काभ्रेपलाञ्चोक- काभ्रेपलाञ्चोक जिल्लाका चार वटै प्रदेशसभामा वाम(लोकतान्त्रिक गठबन्धनका उम्मेदवार विजयी भएका छन् ।
प्रतिनिधिसभा १ अन्तर्गत प्रदेशसभा १ मा सत्ता गठबन्धनका तर्फबाट नेकपा माओवादी केन्द्रका उम्मेदवार रत्नप्रसाद ढकाल विजयी भएका छन् । ढकालले २० हजार ७२० मत प्राप्त गर्नुभयो भने निकटतम प्रतिद्वन्द्वी नेकपा एमालेका दिलबहादुर तामाङले ११ हजार २७८ मत प्राप्त गरे ।
यस्तै सोही प्रतिनिधिसभा क्षेत्रको प्रदेशसभा २ मा गठबन्धनका उम्मेदवार नेपाली कांग्रेसका तीर्थ लामा तीन मतले विजयी भएका छन् । उनले १९ हजार दुई सय ८० मतसहित जित हासिल गर्नुभयो भने उहाँका प्रतिद्वन्द्वी एमालेका चन्द्र लामाले १९ हजार २७७ मत प्राप्त गरे ।
यसैगरी प्रतिनिधिसभा २ नं प्रदेशसभा १ गठबन्धनका उम्मेदवार एकीकृत समाजवादीका लक्ष्मण लम्सालले १९ हजार ४०८ मत प्राप्त गरे । मुख्य प्रतिस्पर्धी एमालेका कुमार खकुरेलले १९ हजार २२० मत प्राप्त गरे ।
सोही निर्वाचन क्षेत्र अन्तर्गत प्रदेशसभा २ मा कांग्रेसका कञ्चनचन्द्र वादे श्रेष्ठ विजयी भएका छन् । श्रेष्ठले २६ हजार ३५ मत प्राप्त गरे भने एमालेका कुमार थापाले २१ हजार ९५७ मत प्राप्त गरे ।
प्रतिनिधिसभा १ प्रदेशसभा १ बाट निर्वाचित ढकाल र प्रतिनिधिसभा(२ प्रदेशसभा १ बाट निर्वाचित लम्साल यसअघि पनि बागमती प्रदेशसभाको सदस्य थिए । ढकाल प्रदेशको युवा तथा खेलकूद मन्त्रीसमेत छन् । जिल्लामा एक लाख ८६ हजार नौ सय ३५ ले मतदान गरेका थिए ।
