२०८१ मङ्सिर २८, शुक्रबार
२०८१ मङ्सिर २८, शुक्रबार
बिरेन्द्रनगर - कर्णाली प्रदेशमा पछिल्लो २४ घण्टामा कोरोना संक्रमणबाट ८ जनाको मृत्यु भएको छ । स्वास्थ्य सेवा निर्देशनालयका निर्देशक डा.रविन खड्काका अनुसार मृत्यु हुनेमा ७ जना पुरुष र एक महिला रहेकी छन् । जसमध्ये पाँच जना सुर्खेत, एक जना सल्यान, एक दैलेख र एक जना रुकुम पश्चिमका रहेका छन् ।
मृत्यु हुनेमा सुर्खेतको पञ्चपुरी नगरपालिकाका–५ का ६० वर्षीय पुरुष, वीरेन्द्रनगर नगरपालिका –८ का ६३ वर्षीय पुरुष, लेकवेशी नगरपालिका –१ का ४५ वर्षीय पुरुष वीरेन्द्रनगर –११ का ५१ वर्षीय पुरुष, वीरेन्द्रनगर– १२ का ४० वर्षीय पुरुष रहेका छन् । सुर्खेतका ५ जनाको कर्णाली प्रदेश अस्पतालमा मृत्यु भएको डा. खड्काले बताए ।
यस्तै सल्यानको सिद्ध कुमाख गाउँपालिका– २ का ४२ वर्षीय पुरुषको सल्यान अस्पताल र रुकुम पश्चिमको मुसिकोट– ४ का ६० वर्षीय पुरुषको जिल्ला अस्पताल रुकुम पश्चिममा मृत्यु भएको हो । दैलेखको नारायण नगरपालिका – ६ की २७ वर्षीय महिलाको जिल्ला अस्पताल दैलेखमा मृत्यु भएको हो ।
