काठमाडौं - आइसीसी क्रिकेट विश्वकप लिग-२ अन्तर्गत नेदरल्यान्ड्सविरुद्ध दोस्रो खेलमा नेपालले टस जितेर फिल्डीङ रोजेको छ ।

नेपालका कप्तान रोहितकुमार पौडेलले टस जितेर फिल्ड गर्ने निर्णय लिएका हुन् । नेपालले आज दीपेन्द्रसिंह ऐरी र देव खनाललाई खेलाएको छ । पछिल्लो खेलबाट करण केसी र पवन सर्राफ बाहिर छन् ।
नामिबिया र नेदरल्याण्ड्स सहितको त्रिदेशीय शृङ्खलामा बिहिवार भएको पहिलो खेलमा नामिबियासंग नेपाल चार विकेटले पराजित भएको थियो । पहिलो खेल हारेकोले आजको खेलमा जित दर्ता गर्ने लक्ष्यसहित नेपाल मैदानमा उत्रदै छ ।

नेपालको प्लेइङ्ग ११  : रोहित पौडेल, आसिफ शेख, देव खनाल, अनिल शाह, कुशल भुर्तेल, कुशल मल्ल, भीम सार्की, दीपेन्द्र सिंह ऐरी, गुलशन झा, सोमपाल कामी, ललित राजवंशी