२०८३ असोज ९, शुक्रबार
२०८३ असोज ९, शुक्रबार
नागोया, जापान - जापानको नागोयामा भइरहेको २०औं एसियाली खेलकुदअन्तर्गत क्रिकेट प्रतियोगितामा नेपालले अफगानिस्तानमाथि ५ विकेटको ऐतिहासिक विजय हात पारेको छ। २०१४ पछि टी–२० क्रिकेटमा नेपालले अफगानिस्तानलाई पराजित गरेको यो पहिलो पटक हो।
टस जितेर पहिले बलिङ रोजेको नेपालले कसिलो बलिङ गर्दै अफगानिस्तानलाई निर्धारित २० ओभरमा ७ विकेट गुमाएर १ सय २ रनमै रोकेको थियो। १ सय ३ रनको लक्ष्य नेपालले १७.२ ओभरमा ५ विकेट गुमाउँदै पूरा गर्यो।
खराब सुरुआतपछि सम्हालिएको ब्याटिङ जवाफी ब्याटिङमा नेपालको सुरुआत भने निराशाजनक रह्यो। ओपनर कुशल भुर्तेल इनिङ्सको दोस्रो बलमै डकआउट भए भने अर्का ओपनर आसिफ शेख पनि २ रनमै पवेलियन फर्किए। कुशल मल्ल ९ रनमा रनआउट भएपछि नेपाल दबाबमा परेको थियो।
तर, सन्दीप जोरा र कप्तान रोहित पौडेलले नेपालको इनिङ्स सम्हाले। सन्दीपले ३५ बलमा ३ चौका र १ छक्काको मद्दतमा सर्वाधिक ३४ रन जोडे। रोहित पौडेलले ३२ बलमा ३४ रन (४ चौका) बनाउँदै टोलीलाई जितको नजिक पुर्याए। अन्त्यमा दीपेन्द्रसिंह ऐरी १५ रनमा आउट भएपछि मैदान छिरेका गुलशन झाले पहिलो बलमै विजयी रन जोडे।
ललित र कुशलको घातक बलिङ यसअघि नेपालका बलरहरूले अफगानिस्तानका ब्याटरहरूलाई हात खोल्ने मौका दिएनन्। स्पिनर ललित राजवंशीले पावरप्लेमै ३ विकेट लिँदै अफगानिस्तानलाई ६ ओभरमा १९–३ को नाजुक स्थितिमा पुर्याएका थिए। उनले ४ ओभरमा १३ रन मात्र खर्चे।
त्यस्तै, कुशल भुर्तेलले ४ ओभरमा १ मेडनसहित २१ रन दिएर ४ महत्वपूर्ण विकेट चट्काए। अफगानिस्तानका लागि फैजल खान अहमादजी र नाजिबुल्लाह जाद्रानले समान ३०–३० रन बनाएका थिए।
इतिहास र क्वार्टरफाइनलको समीकरण नेपालले यसअघि २०१४ को टी–२० विश्वकपमा अफगानिस्तानलाई ९ रनले हराएको थियो। यस जितसँगै नेपालको क्वार्टरफाइनल पुग्ने सम्भावना निकै बलियो बनेको छ। समूह 'ए' मा रहेको नेपालले अब शनिबार घरेलु टोली जापानसँग प्रतिस्पर्धा गर्नेछ।
.jpg)
.jpg)
