काठमाडौं- काठमाडौं महानगरपालिकाका प्रमुख बालेन साहले नेकपा माओवादी केन्द्रका अध्यक्ष पुष्पकमल दाहाल प्रचण्डसँग पनि भेट गरेका छन्। उनले शनिबार खुमलटार पुगेर प्रचण्डलाई भेटेका हुन्।

प्रचण्ड – बालेनबारेको भेटका बिषयमा रुटिन अफ नेपालले लेखेको छ, ‘तपाईँको जित बहुत ठूलो कुरा हो। क्रान्ति हो। पहिलेका (मेयरहरू) स्वतन्त्रहरू कुनै एउटा पार्टीसँग आवद्ध भएर अरू पार्टीलाई गाली गर्ने प्रणाली थियो तर तपाईले पहिलो पटक सबैलाई मिलाएर (सहकार्य) गर्ने काम गरिरहनुभएको छ। त्यो शहरानिय छ। त्यसैले तपाइलाई सधैंभरी हाम्रो साथ र सहयोग हुनेछ,’ प्रचण्डले भने।

भेटमा प्रचण्डले साहलाई बधाई दिए। उनले जनअपेक्षा बुझेर काम गर्न पनि भने। बालेनले यसअघि प्रधानमन्त्री तथा नेपाली कांग्रेसका सभापति शेरबहादुर देउवा, एमाले अध्यक्ष केपी शर्मा ओलीलाई भेटेको थिए।