२०८१ मङ्सिर २७, बिहिबार
२०८१ मङ्सिर २७, बिहिबार
काठमाडौं- काठमाडौंको डिल्लीबजारस्थित एक क्याम्पसमा तोडफोड भएको छ । आज बिहान ६ बजे डिल्लीबजारमा रहेको सफ्टवारिका कलेजमा अज्ञात समूहले तोडफोड गरेको हो । कलेजका कर्मचारीका अनुसार मोटरसाइकलमा आएका ४ जनाको समूहले कलेजको सिसामा ढुंगामुढा गरेर भागेका छन् ।
आज चार कम्युनिष्ट पार्टीको संयुक्त मोर्चाले नेपाल बन्दको घोषणा गरेको छ । सोही पार्टीका कार्यकर्ताले कलेजमा ढुंगामुढा गरेको हुनसक्ने प्रहरीको अनुमान छ । सरकारसँग भएको ३ बुँदे सम्झौताअनुसार आफ्नो पार्टीका नेता/कार्यकर्तामाथि लगाइएका मुद्दा फिर्ता, थुनाबाट मुक्त गर्नुपर्ने माग अगाडि सार्दै विप्लव नेतृत्वको नेकपाले आज देशव्यापी बन्दको घोषणा गरेको हो ।
