काठमाडौँ-एभेरष्ट प्रिमीयर लिग (इपीएल) मा चितवन टाइगर्सले दोस्रो जित निकालेको छ ।चितवनले काठमाडौं किंग्स –११ लाई पराजित गर्दै इपीएल तालिकाको शिर्ष स्थानमा उक्लिन सफल भएको छ ।काठमाडौंले दिएको १४२ रनको लक्ष्य चितवनले १८ ओभर ४ बलमा ७ विकेट गुमाउँदै भेट्टाएको थियो ।

चितवनका लागि कमल सिंह ऐरीले २३ रनको अविजित पारि खेल्दा राजेश पुलामीले सर्वाधिक २६ रनको योगदान दिए ।चितवन टाइगर्सका लागि दिलीप नाथले २३ र करिम जनत तथा मोहम्मद सहजादले समान २१ बनाए ।चितवनका लागि कप्तान सोमपाल कामी शुन्य रानमा आउट भए भने भीम सार्कीले ६ रन बनाउँदा सेकगे प्रसन्नले ५ र इशान पाण्डेले ४ रन बनाए।काठमाडौं किंग्स -११ का रायन बर्ल र जितेन्द्र मुखियाले २/२ विकेट लिए भने कप्तान सन्दीप लामिछाने र गुल्शन झाले १/१ विकेट लिए । कीर्तिपुर मैदानमा टस हारेर ब्याटिङको निम्तो पाएको काठमाडौंले २० ओभरमा ८ विकेट गुमाउँदै चितवनसामु एक सय ४१ रनको लक्ष्य दिएको थियो ।  ।

काठमाडौंका लागि सुवास खकुरेलले ३५ रन बनाए भने राजु रिजालले २८ रनको योगदान गरे । यस्तै जनक प्रकाशले २६ रन बनाए ।उसका रहमानुल्लाह गुरबाजले ५ रन बनाए भने अमित श्रेष्ठ ६ रनमा आउट भए । यस्तै रायन बर्लले खाता खोल्न नसक्दा गुल्शन झाले चार रन बनाए । बलिङमा सागर ढकालले चार विकेट लिए भने करिम जनतले दुई विकेट लिए । कमल ऐरी र सेकुगे प्रसन्नले पनि एक एक विकेट लिन सफल भएका थिए ।