×
समाचार समाज पत्रपत्रिका मनोरञ्जन विश्व स्वास्थ्य अर्थ/वाणिज्य शिक्षा सम्पादकीय संस्कृति/संस्कार प्रदेश खेलकुद सूचना/प्रविधि पर्यटन इन्द्रेणी–विशेष

खेलकुद

नेपाल स्पोर्ट्स ल्यायो ‘नेपाल १२औं खेलाडी शो’ विथ दिवश सर्राफ

नेपाल स्पोर्ट्स ल्यायो ‘नेपाल १२औं खेलाडी शो’ विथ दिवश सर्राफ

काठमाडौं – नेपाली क्रिकेट र खेलाडीका कथालाई दर्शकमाझ ल्याउने उद्देश्यका साथ नयाँ खेलकुद शो ‘नेपाल 12th Man Show with Diwash Sarraf’ सुरु भएको छ। चर्चित क्रिकेट कमेन्टेटर दिवश सर्राफले यो शो सञ्चालन गर्नेछन्।

नेपाल स्पोर्ट्स स्टेशनको प्रस्तुति रहेको यस शोलाई Mentorlab Edx ले प्रायोजन गरेको छ। शोको मुख्य उद्देश्य नेपाली क्रिकेट, खेल संस्कृति र खेलाडीहरूलाई प्रवर्द्धन गर्नु रहेको बताइएको छ।

शोको पहिलो अंकमा युवा क्रिकेटर रुपेश सिंहलाई अतिथिका रूपमा प्रस्तुत गरिनेछ। यस कार्यक्रममा खेलाडीका पर्दा पछाडिका कथा, उनीहरूका संघर्ष, सफलता र प्रेरणादायी पक्षहरूलाई समेटिनेछ।

शोका सञ्चालक सर्राफले नेपालमा खेलाडीको सम्मान र उनीहरूका कथाहरूलाई बाहिर ल्याउनु आवश्यक रहेकोले शो सुरु गरेको बताए। "नेपालमा खेल र खेलाडीको सम्मान, समर्थन र चर्चा हुनु जरुरी छ। यही सोचले यो शो सुरु गरिएको हो," उनले भने।

‘नेपाल 12th Man Show’ ले क्रिकेट मात्र नभई समग्र खेलकुद समुदायलाई जोड्ने विश्वास लिइएको छ। शोका नयाँ अंकहरू निकट भविष्यमा विभिन्न सामाजिक सञ्जाल तथा डिजिटल प्लेटफर्ममार्फत सार्वजनिक गरिनेछन्।

प्रतिकृया दिनुहोस्