‘तर्पांहरुले दिएको शक्ति लिएर सुरेन्द्र पाण्डेजी गण्डकी प्रदेशको मुख्यमन्त्री बन्ने सम्भावना छ। फडिन्द्रजी मन्त्री बन्ने सम्भावना छ। निर्वाचनपछि मैले देशको नेतृत्व लिने सम्भावना छ। तपाईँहरूले हामीलाई बलियो बनाएर पठाउनुभयो भने हाम्रो तागत सिंहदरबारभित्र र प्रदेश सरकार भित्र पनि बलियो हुन्छ,’ प्रचण्डले भने।

साथै उनले गोरखाको विकास र समृद्धिको यात्रा तीव्र र द्रूत गतिमा अगाडि बढ्ने प्रतिबद्धता व्यक्त गरेका छन्। उनले सबैले बिना हिचकिचाहट रुख र हँसिया हथौडामा मतदान गर्नुपर्ने बताए।

‘विस्तृत शान्ति सम्झौता पश्चात् गिरिजाप्रसाद कोइरालाले हँसिया हथौडामा छाप लगाएको हो। मैले रुखमा छाप लगाएको हो। म माओवादीका साथीहरूले रुखमा छाप लगाउन अप्ठ्यारो मान्नु पर्दैन। यदि तपाईँहरूलाई प्रचण्डको नेतृत्व, माओवादी केन्द्र र शान्ति सम्झौता र संघीय लोकतान्त्रिक गणतन्त्रमा आउनु ऐतिहासिक कर्म हो भन्ने लाग्छ भने रुखमा छाप हाल्दा अफ्ठा्रो मान्नुपर्ने कुनै कुरा छैन। किनकि रूपमा सबैभन्दा पहिले छाप मैले लगाएको हो। विस्तृत शान्ति सम्झौतामा हस्ताक्षर गर्नु भनेको रुखमा छाप लगाउनु जस्तै हो। मसँग मिलेर शान्ति सम्झौतामा हस्ताक्षर गर्नु भनेको माओवादीको हँसिया हतौडालाई पनि स्वीकार गर्नु हो,’ उनले भने। उनले गोरखाबाट असाधारण बहुमत आउनुपर्ने बताए।