२०८१ मङ्सिर २७, बिहिबार
२०८१ मङ्सिर २७, बिहिबार
काठमाडौँ- युवा ब्याटर देव खनाल र दीपेन्द्रसिंह ऐरीको अर्धशतकसँगै पपुवा न्युगिनीसँगको दोस्रो ओडिआई खेलमा नेपालले कीर्तिमानी साझेदारी गरेको छ । टियु क्रिकेट मैदानमा टस जितेर पहिला ब्याटिङ थालेको नेपालले यो समाचार तयार पार्दासम्म २८ ओभरमा २ विकेट गुमाउँदै १ सय २५ रन बनाएको छ । दीपेन्द्रसिंह ऐरी ८५ बलमा ३ चौकासहित ५१ रनमा अविजित छन् । दीपेन्द्रले ८४ बलमा आफ्नो ओडिआई करिअरको पहिलो अर्धशतक पूरा गरे ।
देव खनाल ८० बलमा ४ चौका र ३ छक्कासहित ६७ रनमा अविजित छन् । तेस्रो विकेटका लागि देव र दीपेन्द्रसिंह ऐरीले १ सय २० रनको शतकीय साझेदारी गरि सकेका छन् । जुन ओडिआईमा नेपालबाट बनेको कुनैपनि विकेटका लागि उच्च साझेदारी हो ।
