जापान । पाल्पामा स्थायी बसोबास भई हाल जापानमा बिभिन्न पेशा व्यबसायमा आबद्ध रहेका पाल्पालीहरुको साझा संस्था पाल्पा समाज जापान को चौथो अधिबेशन हुने भएको छ । सन् २०१६ मा स्थापना भई बिभिन्न सामाजिक काममा क्रियाशिल रहदै आएको पाल्पा समाज जापानको आगामी अगस्ट २४ तारिख आईतवार चौथो अधिवेशन हुन लागेको हो ।

जापानको राजधानी टोकियोको शिनओकुवुमा रहेको बारकाडे गुड टाइम्स (रेन्टुरेन्ट) मा हुने तय गरिएको अधिवेशनमा हरितालिका तिजको अबसर पारेर दर खाने कार्यक्रम पनि तय गरिएको आयोजक संस्थाले जानकारी दिएको छ । "करुवा,ढाका,रानीमहल हाम्रो पहिचान, सम्पुर्ण पाल्पालीहरुलाई समेट्ने हाम्रो अभियान" भन्ने बिषेश नारा सहित क्रियाशिल रहेको समाजको चौथो अधिवेशन तथा दरखाने कार्यक्रममा सम्पुर्ण जापानवासी नेपाली दिदिबहिनी तथा दाजुभाईहरुलाई उपस्थितीका लागी आयोजक संस्थाले अनुरोध गरेको छ ।