शुक्रबार (जुलाई २३)बाट जापानको राजधानी टोक्योमा ओलम्पिक प्रतियोगिता हुँदैछ । प्रतियोगिताको फुटबलतर्फको टोलीमा सहभागी टीममा जर्मनी पनि छ ।

शनिबार जर्मनीले ओलम्पिककै तयारीमा होन्डुरससँग मैत्रिपुर्ण खेल खेल्यो । तीस मिनेटका दरले तीन चरणको खेल भएको थियो । अन्तिम चरणको खेल सकिन पाँच मिनेट अगाडि जर्मनीका ‘सेन्टर ब्याक’ जोर्डन तोरुनारिघालाई रंगभेदी बचन आयो । उनले टोलीलाइ जानकारी गराए । अन्ततः जर्मनी टोली खेल नखेल्ने निर्णयमा पुग्यो ।

तोरुनारिघाले खेल्ने क्लब हेर्था बर्लिनले उक्त निर्णयलाई ‘एकमात्र सहि निर्णय’ भनेर स्वागत गरेको छ । आफ्नो आधिकारिक ट्विटर अकाउन्टबाट यस्तो स्वागत गरेको हो । जर्मन फुटबलको आधिकारिक ट्विटर अकाउन्टबाट खेल १-१ को बराबरीमा हुँदा पाँच मिनेट बाकि छँदा रंगभेदी टिप्पणी भएपछि खेलाडीले मैदान छाडेको उल्लेख गरिएको छ ।

जर्मनीको आधिकारिक सरकारी मिडिया डिडब्लुका अनुसार कप्तान माक्सिमिलान आर्नोल्डले मैदानबाट हिड्नु सहि निर्णय भएको प्रतिक्रिया दिएका छन् । उनले भनेका छन, ‘हामीले सहि निर्णय गरेका छौ र त्यहि अनुसार कदम पनि चालेका छौ ।’

सन् २०१६ मा ब्राजिलको राजधानी रियो दि जेनेरियोमा भएको ओलपिक्समा जर्मन टोली सिल्भर मेडल बिजेता अर्थात दोश्रो बिजेता भएको थियो । ब्राजिलले जर्मनीलाई ५–४ को पेनाल्टी सुटआउटबाट जित निकालेको थियो । ओलम्पिक फुटबलमा २३ वर्ष मुनिका खेलाडीहरु सहभागी हुने नियम भएकोले यसलाई युवा खेलाडीको प्रतियोगीता पनि भनिन्छ । जानकारहरुका अनुसार त्यसै नियमको कारणले अवपाद बाहेक ओलम्पिक फुटबलमा धेरै स्टार खेलाडीहरु देखिदैनन ।