काठमाडौँ - गायक तथा सर्जक शालिकराम भण्डारीको हाँस्यब्याङ्यात्मक कोशेली “नौ सय असिको’ गीत सार्वजनिक भएको छ । नेपाली सांगीतिक बजारमा एकपछि अर्काे गर्दै कलाकारहरुले आफ्ना सिर्जनाहरु क्रमशः पस्किरहेका छन् । यसै क्रममा आफ्नो छुट्टै छवि बनाएका गायक तथा सर्जक शालिकराम भण्डारीले निरन्तरता दिँदै चर्चित कलाकारहरुको साथमा एस गीतलाई बजारमा ल्याएका हुन् ।

यस गीतमा धेरै जना लोकप्रिय कलाकारहरुको स्वर सुन्न पाइन्छ भने, धेरै कलाकारहरुको अभिनय देख्न पाइन्छ । लाखौँ दर्शक श्रोताले मन पराएका गायकहरु खुमन अधिकारी, यज्ञ सापकोटा, अर्जुन सापकोटा, जय देवकोटा, शालिकराम भण्डारी र लोकप्रिय गायिका सुनिता बुढा क्षेत्री, दर्शना तिरुवा र सीता परियार सहितको आवाजमा “नौ सय असिको“ बोलको गीत बजारमा सार्वजनिक भएको हो ।यस गीतमा जस्तो शब्द छ, त्यस्तै संगीत भर्न सिपालु लोकप्रिय गायक संगीतकार सर्जक “यज्ञ सापकोटा“ ले संगीत भरेका छन् भने शालिकराम भण्डारी र टंक डुम्रेले शब्द रचना गरेका हुन् ।