२०८१ माघ २३, बुधबार
२०८१ माघ २३, बुधबार
एजेन्सी: अभिनेत्री सोनम कपूर केही महिनाको लन्डन बसाइपछि भारत फर्किएकी छन् । सोनमलाई लिन उनका बुबा अभिनेता अनिल कपूर मङ्गलबार मुम्बई एयरपोर्ट पुगेका थिए । सोनम एयरपोर्टबाट बाहिर आइन् र आफ्नो बुबालाई देख्नासाथ भावुक भइन् ।
त्यो क्षणका केही फोटो र भिडिओहरू सामाजिक सञ्जालमा भाइरल भइरहेका छन् । यी भाइरल फोटोहरू देखेर केही सञ्जाल प्रयोगकर्ताले सोनाम गर्भवती भएको अनुमानसमेत लगाएका छन् ।
अनिल र सोनम दुवै स्टाइलिस देखिएका छन् । सोनमले खैरो र निलो रङ्गको वान पिसको साथमा नीलो रातो रङ्गको ज्याकेट र मास्क लगाएकी थिइन् । त्यस्तै, अनिल कपूर एक कालो हुड, टी-सर्ट, जिन्स र सेतो स्नीकरमा देखिएका थिए ।
कोरोना महामारीको कारण सोनम कपूर लामो समयदेखि श्रीमान् आनन्द आहुजासँग लन्डनमा बसिरहेकी थिइन् । सोनमले अक्सर सामाजिक सञ्जालमार्फत् भारत, बाबुआमा, दाजुभाइ र दिदीलाई याद गरेको बताइरहन्थिन् ।
