२०८१ मङ्सिर २८, शुक्रबार
२०८१ मङ्सिर २८, शुक्रबार
काठमाडौं - आईसीसी पुरुष टी–ट्वान्टी विश्वकप ग्लोबल छनोटअन्तर्गत आज (शुक्रबार) नेपालले आज घरेलु टोली ओमानको सामना गर्दैछ।
विश्वकपमा छनोट हुने लक्ष्यसहित ओमान पुगेको नेपाल र ओमानबीचको खेल बिहान ११ः४५ बजे सुरु हुनेछ। खेल अल अमेरात क्रिकेट मैदानमा हुनेछ।
गत हप्ता चारदेशीय टी–ट्वान्टी सिरिजमा नेपालले ओमानलाई ६ विकेटले हराएको थियो। छनोटको नेपालको दोस्रो खेलमा नेपालले फेब्रुअरी १९ मा फिलिपिन्ससँग खेल्नेछ भने तेस्रो खेल क्यानाडाविरुद्ध फेब्रुअरी २१ मा खेल्ने तालिका रहेको छ।
नेपाल, ओमान, क्यानडा र फिलिपिन्स समूह ए र आयरल्यान्ड, युएई, बहराइन र जमर्नी समूह बी मा छन्। हरेक समूह शीर्ष दुई दुई टोलीले सेमिफाइनलमा स्थान बनाउने छन्। ८ देशबीच हुने प्रतिस्पर्धाबाट फाइनल पुग्ने दुई टोलीले आगमी अक्टोबर नोभेम्बरमा अष्ट्रेलियामा हुने टि२० विश्वकप खेल्न पाउने छन्।
समूह चरणको खेलपछि शीर्ष दुई टोली दुबै समूहबाट सेमिफाइनलमा प्रवेश गर्नेछन्। सेमिफाइनल खेलहरु फेब्रुअरी २२ तारिखमा हुनेछ । फाइनल भने फेब्रुअरी २४ तारिखमा हुनेछ।
नेपाल टोली
सन्दीप लामिछाने (कप्तान), कुशल भुर्तेल, आसिफ शेख(विकेटकिपर), ज्ञानेन्द्र मल्ल, दीपेन्द्रसिंह ऐरी, शरद भेषावकर, आरिफ शेख, गुलशन झा, जितेन्द्र मुखिया, अभिनाश बोहरा, कमलसिंह ऐरी, विवेक यादव, सागर ढकाल र लोकेश बम।
