२०८१ मङ्सिर २७, बिहिबार
२०८१ मङ्सिर २७, बिहिबार
काठमाडौं - बिहिबार राति रोल्पामा बस दुर्घटना हुँदा ४ जनाको मृत्यु भएको छ । १५ जना भन्दा बढी घाइते भएका छन् ।
दाङको घोराहीबाट रोल्पाको थबाङका लागि छुटेको बस माडी गाउँपालिकाको तालाबाङस्थित तार्केबाङ सडकबाट साँझ ६ बजेतिर दुर्घटना भएको हो ।
दुर्घटनामा ३ पुरुष र १ महिलाको मृत्यु भएको छ । उनीहरुको परिचय खुल्न बाँकी रहेको, रोल्पाका डीएसपी नरेशराज सुवेदीको भनाइ छ ।
बस तार्केबाङस्थित सहिद मार्गबाट करिब १ सय फिट तल माडीखोलामा खसेको हो ।
दुर्घटनामा घाइतेभएका १७ मध्ये, गम्भीर ३ जनालाई जिल्ला अस्पताल रोल्पामा ल्याइएको र अरुको घर्तीगाउँस्थित स्वास्थ्य संस्थामा उपचार गरिएको, प्रहरीको भनाइ छ । अघिल्लो साता पनि, रोल्पाको घर्तीगाउँ नजिकै जिप दुर्घटना हुँदा ४ जनाको ज्यान गएको थियो ।
