उपप्रधान तथा गृहमन्त्री रवि लामिछानेका वकिललाई सर्वोच्च अदालतको संवैधानिक इजलासमा न्यायाधीशहरुले नेपाली नागरिकता फेरि नलिएको सन्दर्भमा रविले कसरी नेपाली पासपोर्ट लिए भन्ने प्रश्न गरेका छन् ।
न्यायाधीश ईश्वर खतिवडाले नेपाली पासपोर्टबारे प्रश्न गरेका हुन् । रविका वकिलले यो प्रश्न आएपछि अमेरिकी नागरिकता नत्याग्दै नेपाली पासपोर्ट लिएको तर त्यसलाई प्रयोग नगरेको तर्क गरेका छन् । रविले सन् २०१४ मा अमेरिकी नागरिकता लिएको र २०१८ मा मात्र त्यसलाई त्यागेका थिए । तर, उनले २०१५ मा नेपाली पासपोर्ट लिएका थिए ।