२०८१ मङ्सिर २८, शुक्रबार
२०८१ मङ्सिर २८, शुक्रबार
काठमाडौं - कान्तिलोकपथ अन्तर्गत ललितपुरको भट्टेडाँडामा पहिरो खस्दा यातायात प्रभावित भएको छ । भट्टेडाँडामा रहेको प्रहरीचौकीबाट झण्डै पाँच सय मिटर दक्षिणतर्फ बिहान पहिरो खसेको हो ।
काठमाण्डौबाट कान्ति लोकपथ हुँदै हेटौँडातर्फ छुट्ने गाडीलाई भट्टेडाँडा प्रहरी चौकी र हेटौँडाबाट काठमाण्डौका लागि छुट्ने गाडीलाई मकवानपुर प्रहरीले ठिंगनमा रोकेको छ । जिल्ला प्रहरी कार्यालय मकवानपुरका अनुसार पानी परिरहेकाले यो पहिरो पन्छाउन समस्या भएको छ ।
त्रिभुवन राजपथ, पूर्व–पश्चिम राजमार्ग र भीमफेदी कुलेखानी सडकखण्डको कुलेखानी चित्लाङतर्फको यातायात सेवा भने सञ्चालनमा रहेको मकवानपुरका निमित प्रमुख जिल्ला अधिकारी नेत्रप्रसाद शर्माले बताउनुभयो ।
