बिर्तामोड -  पूर्वपश्चिम राजामार्गको कनकाई नगरपालिका ७ दुर्गापुरमा बुधबार राति भएको सवारी दुर्घटनामा परी मोटरसाईकलमा सवार दुबै जनाको ज्यान गएको छ । बुधवार राति ७ः ४० को समयमा पूर्वबाट पश्चिमतर्फ जाँदै गरेको मे ७ प २८४६ नम्बरको मोटरसाईकल र विपरीत दिशाबाट जाँदै गरेको ना ५ ख ७९३७ नम्बरको यात्रुवाहक बस एक आपसमा ठक्कर खाएकाे थियाे ।
ठक्कर खाएपछि मोटरसाईकलमा सवार इलाम रोङ गाउँपालिका ६ बस्ने वर्ष ३३ को सन्तोष राई र मोटरसाईकलमा पछाडि सवार सोही स्थान बस्ने वर्ष ४० को चन्द्रबहादुर राईको मृत्यु भएको जिल्ला प्रहरी कार्यालय झापाले जनाएको छ ।
घाईते दुबैको उपचारका क्रममा बिर्तामोडस्थित विएण्डसी अस्पतालमा मृत्यु भएको र बस चालकलाई प्रहरीले नियन्त्रणमा लिएको प्रहरीले जनाएको छ ।