टोकियो –   नियमित साहित्यिक श्रृङ्खला  अन्तर्गत बिविध कार्यक्रमहरू गर्दै  आएकाे अन्तर्राष्ट्रिय नेपाली साहित्य समाज (अनेसास) जापान च्याप्टरले आगामी अप्रिलकाे अन्तिमतिर ‘समुन्द्रमाथि साहित्यिक यात्रा’ आयोजना गर्ने भएको छ। च्याप्टरकाे ७४ औं नियमित साहित्यिक श्रृङ्खलाको रूपमा आगामी अप्रिल २७ मा सारुसीमा टापु, योकोसुकामा बिहान १०:३० बजे देखि  कार्यक्रम गरिने आयाेजक सस्थाले जानकारी गराएकाे छ ।         

यस विशेष साहित्यिक यात्रामा नेपाल तथा जापानमा रहेर साहित्य साधना गरिरहेका स्रष्टाहरू सहभागी हुने अपेक्षा गरिएको छ। समुन्द्रको मनोरम वातावरणमा साहित्यिक सिर्जनाहरू वाचन गरिने र साहित्यिक छलफल गरिनेछ।

कार्यक्रमबारे अनेसास जापानका अध्यक्ष अरुण पौडेलले दिएकाे जानकारी अनुसार “नेपाली साहित्यलाई विश्वभर फैलाउने प्रयास स्वरूप समुन्द्रमाथि साहित्यिक यात्रा कार्यक्रम आयाेजना गर्न लागिएकाे हाे । याे  कार्यक्रम  सिर्जनाको सागरमा डुबुल्की मार्ने अनुपम अवसर हो। यसले नेपाली साहित्यकारहरूलाई नयाँ अनुभव दिलाउनेछ र हामी सबैलाई अझ नजिक ल्याउनेछ।”

 स्मरण रहाेस् अनेसास जापानले लामो समयदेखि नेपाली साहित्यलाई प्रवर्द्धन  गर्न विविध कार्यक्रमहरू गर्दै आइरहेको छ। यस पटकको कार्यक्रमले नेपाली साहित्यप्रेमीहरूलाई नयाँ अनुभव प्रदान गर्ने आयोजकहरूको विश्वास राखेका छन्।