२०८१ फाल्गुण २८, बुधबार
२०८१ फाल्गुण २८, बुधबार
काठमाडौँ- लुम्बिनी प्रदेशसभा सदस्य चढेको स्कारपिओ दुर्घटना भएको छ । महेन्द्र राजमार्गअन्तर्गत धानखोला र भालुबांगको बिचमा प्रदेशसभा सदस्य तुलसी चौधरी चढेको स्कारपिओ दुर्घटना भएको हो ।
जिल्ला प्रहरी कार्यालय दाङका प्रवक्ता मुकुन्दप्रसाद रिजालकाअनुसार दुर्घटनामा परी सदस्य चौधरी घाइते भएका छन् । रुपन्देहीका एमाले चौधरी राष्ट्रियसभा निर्वाचनमा सहभागी हुन दाङको घोराही जाँदै थिए ।
चौधरी चढेको बा २ झ ३४४४ स्कारपिओ ट्रकसँग ठोक्किएको थियो । दुर्घटनामा प्रदेशसभा सदस्य चौधरीको हातमा सामान्य चोट लागेको प्रहरीले जनाएको छ ।
