२०८१ माघ २४, बिहिबार
२०८१ माघ २४, बिहिबार
पछिल्लो समय बिवादित गीत सार्वजनिक गरेर बिवादमा आएका मोडल दुर्गेश थापा यस पटकको तीजमा समेत बिवादमा आएका छन् । तीजको विषयमा भन्दै सार्वजनिक गरिएको बीच्च बीच्चमा - ४ सिक्वेलको गीतमा प्रयोग गरिएको थेगो शब्दका कारण उनी बिवादमा आएका हुन् ।
गीत बनाउदा बनाउदै राष्ट्रिय लोक तथा दोहोरी गीत प्रतिष्ठानले उक्त गीतमा प्रयोग गरिएको ख्यास्स पुतली भन्ने शब्द प्रयोग नगर्न ध्यानाकर्षण गराएको पाईएको छ । तर प्रष्ठिानको आग्रहलाई थापाले अवज्ञा गरेका छन् ।
श्रावण ७ गते प्रतिष्ठानको तर्फबाट अध्यक्ष रमेश बि.जी. र प्रतिष्ठानको विकृति विसंगति न्युनिकरण विभागका संयोजक शिव हमालले संयुक्त हस्ताक्षर गरेर थापालाई त्यस्तो शब्द प्रयोग नगर्न आग्रह गरेका छन् । सामाजिक रुपमा आफ्नो कर्तव्य र दायित्व मनन गरी उक्त प्रस्तुतीमा प्रयोग गरिएका आपत्तिजनक शब्दहरु फेरबदल गरी प्रस्तुत भइदिनुहुन ध्यानाकर्षण सहित अनुरोध गर्दछौं । प्रतिष्ठानको पत्रमा उल्लेख छ ।
प्रतिष्ठानको ध्यानाकर्षण पत्रमा नैतिकता र ईमान्दारिता नै ठूलो हो न कि पैसा र चर्चा भनेर प्रश्न सरमेत गरिएको छ ।
थापाले प्रतिष्ठानको ध्यानाकर्षण र आग्रहलाई अवज्ञा गरेको र आगामी दिनमा उनीमाथि कारवाहीको प्रक्रिया के हुन्छ भनी जिज्ञासा राख्दा विकृति विसंगति ज्युनिकरण विभागका संयोजक हमालले कानुनी कारवाही नै गर्ने अधिकार प्रतिष्ठानसँग नभएको बताए । प्रतिष्ठान विशुद्ध सामाजिक संस्था भएकोले विकृतिजन्य क्रियाकलाप गर्ने व्यक्तिलाई अनुरोध नमानेमा संस्थाबाट हटाउने, भैपरि आउने सेवा सुविधाबाट वञ्चित गर्ने लगायतको बाहेक ठूलो कारवाही गर्न प्रतिष्ठानलाई अधिकार नभएको हमालको भनाई रहेको छ ।
थापाले प्रतिष्ठानको आग्रहलाई अस्वीकार गरेपछि यसबारेमा प्रतिष्ठानको साझा धारणा बनाउन आइतबार विभागको बैठक बोलाइएको हमालले बताए । आइतबारको छलफलपछि मात्र यसबारेमा कसरी अगाडि बढ्ने भन्ने बारे निश्कर्ष निकालिने उनको भनाइ रहेको छ ।
प्रतिष्ठानको आग्रह अवज्ञा गरेको बारे र उनले प्रयोग गरेको शब्दको नेपाली अर्थको बारेमा बुझ्न पटक पटक फोन गर्दा थापाले फेन उठाएनन् ।
