२०८१ माघ २४, बिहिबार
२०८१ माघ २४, बिहिबार
काठमाडौं- विकासराज आचार्यको निर्देशित फिल्म ‘नाई नभन्नु ल ६’ एक सातामै हलबाट उत्रिएको छ । देशका मुख्य मल्टिप्लेक्सहरुले आजबाट यो फिल्मलाई शो दिएका छैनन् ।
क्यूएफएक्स, वीग मुभिज, वान सिनेमाज् जस्ता हलहरुमा भोलिका लागि यो फिल्मको शोज उपलब्ध छैन । यसको अर्थ, भोलीबाट फिल्म हलबाट उतारिएको छ ।
बक्स अफिसमा निकै नै खराब व्यापार गरेका कारण यो फिल्मलाई हलबाट उतारिएको हो । यसअघिका पाँच वटा सिरिजले सुपरहिटको व्यापार गरे पनि छैटौँ सिरिजमा आएर निर्देशक आचार्य पछारिएका छन् ।
फिल्ममा आँचल शर्मा, आर्शीवाद क्षेत्री लगायतका कलाकारको मुख्य भूमिका छ । गतबर्ष फिल्म ‘झिँगे दाउ’ चलेपछि निकै नै उत्साहित भएकी नायिका आँचल शर्मालाई यो बर्षको सुरुवातमै झट्का लागेको छ ।
