२०८१ माघ २६, शनिवार
२०८१ माघ २६, शनिवार
काठमाडौँ- बाजुराको खप्तड छेडेदह वडा नम्बर १,२ र ३ मा नेपाली कांग्रेस प्यानलसहित विजयी भएको छ । यी तीन वडाको सम्पन्न मतपरिणामअनुसार वडाध्यक्षदेखि सदस्यमा कांग्रेसको प्यानल विजयी भएको हो।
वडा नम्बरको वडाध्यक्षमा वीरबहादुर रावल प्यानलसहित विजयी भएका छन् । उनी निकटतम प्रतिद्वन्द्वी नेकपा एमालेका दानबहादुर रोकायालाई ४१ मतले पछि पार्दै वडाध्यक्षमा विजयी भएका हुन् ।
२ नम्बर वडामा भक्तबहादुर बुढा प्यानलसहित विजयी भए । उनी ४९१ मतका साथ विजयी हुँदा निकटतम प्रतिद्वन्द्वी एमालेका गणेश शाहीले ४१४ मत प्राप्त गरेका छन् । बुढाले शाहीभन्दा ७७ मत धेरै पाएका हुन् ।
पालिकाको वडा नम्बर ३ मा पनि नेपाली कांग्रेसका उम्मेदवार बिर्ख रावत विजयी भएका छन् । उनी नेकपा एमालेको तर्फबाट अध्यक्षका उम्मेदवार दीपक रावतलाई ३८ मतले पराजित गर्दै विजयी बनेका हुन् ।
खप्तड छेडेदहमा २०७४ सालको स्थानीय तह निर्वाचनमा वडा नम्बर २ देखि ७ सम्म नेपाली कांग्रेसले जितेको थियो भने वडा नम्बर १ मा नेकपा एमाले विजयी भएको थियो । यस पालिकामा अध्यक्ष र उपाध्यक्ष दुवैमा नेपाली कांग्रेसले नै अग्रता लिएको छ ।
