२०८१ फाल्गुण २९, बिहिबार
२०८१ फाल्गुण २९, बिहिबार
काठमाडौँ- साताको तेस्रो कारोबार दिन मंगलबार सेयर बजार झिनो अंकले बढेको छ । यस दिन सेयर बजार नेप्से परिसूचक १.८१ अंकले बढेर २०५४.९५ बिन्दुमा पुगेको छ । यस दिन कुल १ अर्ब ३३ करोड ३५ लाख ६० हजार ८ सय ५७ रुपैयाँमा कुल ४० लाख ३१ हजार २५ कित्ता सेयर कारोबार भयो ।
यस दिन १ सय ४ वटा कम्पनीको सेयर मूल्य घटेको छ । त्यस्तै, ७१ कम्पनीको सेयर मूल्य बढेको छ । ११ कम्पनीको सेयर मूल्यस्थिर रहेको छ ।
यस दिन रुरु जलविद्युत्, मन्दाकिनी हाइड्रो, हेवाखोला जलविद्युत् लगायत कम्पनीको सेयर मूल्य १० प्रतिशतसम्मले बढेको छ । यस दिन बैंकिङ, टे«डिङ, हाइड्रोपावर, म्यानुफ्याक्चरिङ, जीवन बीमालगायत समूहको समूहगत सूचक बढेको छ । अन्य समूहको सूचक घटेको छ ।
