२०८१ माघ २४, बिहिबार
२०८१ माघ २४, बिहिबार
काठमाडौं - ट्विटरले पैसा नतिर्ने प्रयोगकर्ताहरूको 'ब्लु टिक' हटाउन सुरु गरेको छ । ब्लु चेकमार्क भेरिफिकेसनका लागि शुल्क तिर्नुपर्ने व्यवस्था लागू गरेसँगै कम्पनीले पैसा नतिर्ने प्रयोगकर्ताको चेकमार्क हटाउने चेतावनी दिँदै आएको थियो ।
ब्लु चेकमार्कका लागि प्रयोगकर्ताले मासिक ८ डलर तिर्नुपर्ने व्यवस्था छ । व्यवसायहरूका लागि सब्क्रिप्सनबिना नै गोल्डेन चेकमार्कको व्यवस्था गरिएको छ भने सरकारी खाताहरूका लागि भने खैरो चेकमार्कको व्यवस्था गरिएको छ ।
कम्पनीले सन् २००९ देखि नक्कली अकाउन्टहरूलाई निरुत्साहन गर्न भेरिफिकेसनको सुरुवात गरेको थियो । यद्यपि सन् २०२२ मा एलन मस्कले ट्वीटर खरिद गरेपछि उनले यो नियम परिवर्तन गर्दै निलो चेकमार्कमा सब्सक्रिप्सन प्रणाली सुरु गरेको हो ।
यसरी चेकमार्क हट्नेमा नेपालको प्रधानमन्त्री पुष्प कमल दाहाल 'प्रचण्ड' को अकाउन्टदेखि पूर्व प्रधानमन्त्री केपी शर्मा ओलीको अकाउन्ट पनि रहेको छ । योसँगै विभिन्न प्रचलित राष्ट्रिय/अन्तर्राष्ट्रिय व्यक्तित्व लगायत नेपाली मिडियाहरूको पनि ब्लु चेकमार्क हटाइएको छ ।
