सर्लाही - सर्लाही जिल्लाको मलंगवा नगरपालिकाका मेयरका छोरा झुण्डिएको अवस्थामा मृत फेला परेका छन् । मेयर निर्शल शाहका जेठा छोरा नन्दु शाह आफ्नै घरमा झुण्डिएको अवस्थामा भेटिएको हो ।
शाह बरहथवा नगरपालिका ८ टाडीस्थित आफ्नै घरको भुँई तलाको कोठाको पंखामा गम्छाले पासो लगाई झुण्डिएको अवस्थामा मृत भेटिए इलाका प्रहरी कार्यालयका बरथहवाले जनाएको छ । प्रहरीका अनुसार झुण्डिएको अवस्थामा परिवारले देखेपछि तत्काल पासो काटी उपचारका लागि अस्पतालमा पुर्याए पनि डाक्टरले मृत घोषित गरेको हो ।
उनी इँट्टा भट्टा र काठको मिल सञ्चालन गरी बरहथवा ८ टाडीमा बसोबास गर्दै आएका थिए । प्रहरीको प्रारम्भिक अनुसन्धानका क्रममा रहेकाले घटना त्यस्तो शंकास्पद नरहेको जनाएको छ । घटनाबारे थप अनुसन्धान भइरहेको प्रहरीले जनाएको छ ।