काठमाडौँ- नेपाली चलचित्र ‘कागजपत्र’ युट्युबमा रिलिज भएको छ। तिहारको छेको पारेर निर्माण पक्षले शुक्रबार चलचित्रलाई युट्युबमा रिलिज गरेको हो। चलचित्र ‘कागजपत्र’लाई अपिल बिष्टले निर्देशन गरेका हुन् ।

चलचित्रमा भोला सापकोटा, सरिता गिरी, नाजिर हुसेन, शिल्पा मास्के लगायतका कलाकारको मुख्य भूमिका छ ।  चलचित्रले अष्ट्रेलिया जानका लागि हुने नक्कली बिहे र त्यसका लागि तयार पार्नुपर्ने कागजपत्रको कथालाई उठान गरेको छ।

इपी एजुकेशन अष्ट्रेलियाको प्रस्तुतिमा तयार भएको फिल्म वल्र्डवाइड फिल्मस् र अस सिनेमाको संयुक्त ब्यानरमा निर्माण भएको हो । फिल्म सामाजिक तथा कमेडी कथामा निर्माण गरिएको निर्देशक तथा लेखक अपिल बिष्टले बताए। पुरा फिल्म हाइलाइट्स नेपालको अफिसियल च्यानल मार्फत रिलिज भएको छ।