काठमाडाैँ- फ्रेन्च लिग वानको शीर्ष स्थानमा रहेको पेरिस सेन्ट जर्मेइन (पिएसजी) फ्रेन्च कपमा भने अन्तिम १६ बाटै बाहिरिएको छ । सोमबार भएको खेलमा साबिक विजेता पिएसजी नाइससँग पेनाल्टी सुटआउटमा पराजित हुँदै प्रतियोगिताबाट बाहिरिएको हो । 

निर्धारित समय गोलरहित बराबरीमा सकिएपछि खेलको निर्णय पेनाल्टी सुटआउटबाट लिएको थियो । जहाँ ६-५ ले नाइसले खेल आफ्नो पक्षमा पार्‍यो । निर्धारित समयमा पिएसजीले गोलका केही राम्रा मौका चुकाएको थियो । पिएसजीबाट लोनमा नाइस पुगेका गोलरक्षक मारिसिन बुल्काले सोमबार २ पेनाल्टी सेभ गरेका थिए ।

पेनाल्टी सुटआउटमा पिएसजीका गोलरक्षकले एक प्रहार बचाएका थिए भने नाइसका गोलरक्षकले दुई प्रहार जोगाएका थिए । अहिले सम्म उनले नाइसका लागि जारी सिजनमा ११ पेनाल्टी सेभ गरिसकेका छन् ।

क्वाटरफाइनल पुगेको नाइस भने अब सेमिफाइनल प्रवेशका लागि मार्सेलीसँग प्रतिस्पर्धा गर्ने छ । हारले भने पिएसजीलाई धक्का लागेको छ । पोचिटिन्होले लियोनेल मेसीसहितको बलियो टिम उतारेपनि सफल हुन सकेनन् ।