२०८१ मङ्सिर २८, शुक्रबार
२०८१ मङ्सिर २८, शुक्रबार
काठमाडौँ- टी ट्वेन्टी विश्वकप छनोटको आफ्नो दोस्रो खेलमा नेपालले फिलिपिन्ससामु २१९ रनको लक्ष दिएको छ । ओमानमा टस हारेर पहिले बलिङ गरेको नेपालले २० ओभरमा ३ विकेट गुमाएर २ सय १८ रन बनाएको हो ।
नेपालका लागि कुशल भुर्तेल १०४ रनमा नट आउट रहे । दिपेन्द्रसिंह ऐरीले ८७ रन बनाए । ओपनर आसिफ सेख र अर्का ब्याटर कुशल मल्ललाई सस्तैमा गुमाए पनि कुशल भुर्तेल र ऐरीले ठूलो साझेदारी गर्दै नेपाललाई उच्च योगफलतर्फ अग्रसर गराएका थिए ।
कुशलले करियरको पहिलो शतक प्रहार गरे । उनी टी ट्वेन्टीमा शतक प्रहार गर्ने नेपालको तेस्रो खेलाडी पनि बनेका छन् । नेपाल आज ठूलो जितको खोजीमा छ । जसले समूह विजेता बन्दै सेमिफाइनल प्रवेश गर्न सहज हुनेछ ।
कुशलले पूरा गरे करिअरको पहिलो शतक
कुशल भुर्तेल टी-२० अन्तर्राष्ट्रियमा १०० रन पुरा गरेका छन्। उनी यो उपलब्धि हासिल गर्ने तेस्रो नेपाली खेलाडी समेत बने।
भुर्तेलले ५७ बलमा १३ चौका र १ छक्का प्रहार गर्दै करिअरको पहिलो टी-२० शतक प्रहार गरे। यसअघि यो उपलब्धि पूर्व कप्तान पारस खड्का र ज्ञानेन्द्र मल्ले हासिल गरेका थिए।
