काठमाडौं : नेपालको हिल्टन होटलमा टप सब काठमाडौँ पहिलाे ८८४८ हिमालयन म्युजिक एण्ड फिल्म अवार्डको प्रेस मिट सम्पन्न भएकाे छ | रेवेल इवेंट्स इंकका अध्यक्ष राजेश हमाल, सतिसाल इन्टरनेसनल एलएलसीका (लेकेश श्रेष्ठ) र बुद्ध कर तथा लेखा (पशुपति श्रेष्ठ) को संयुक्त आयोजनामा टपसप ८८४८ हिमालयन म्युजिक एण्ड फिल्म अवार्ड हिल्टन होटलमा सम्पन्न भएको छ।

अवार्ड सम्बन्धी विशेष प्रेस मिटकाे कार्यक्रममा नेपाली चलचित्र तथा संगीत क्षेत्रका प्रतिष्ठित व्यक्तित्वहरूको उपस्थिति रहेको थियो। साेहि कार्यक्रममा नेपालका वरिष्ठ अभिनेता कृष्ण मल्ल, एक्सन निर्देशक राजेन्द्र खड्की, अभिनेता रविन्द्र खड्का, सञ्चारकर्मी सुरजसिंह ठकुरी, वरिष्ठ गायकहरू प्रेमराज महत, ओम विक्रम विष्ट, यम बराल, बद्री पंगेनी, जेम्स प्रधान, कमल मानसिंह, धीरज राई, रामजी खाड तथा ग्लोबल फिल्म अवार्डका अध्यक्ष नवराज श्रेष्ठको उपस्थिति रहेको थियो।

साथै, निर्देशक समाजका अध्यक्ष जनकदीप पराजुली र अन्य थुप्रै चर्चित सञ्चारकर्मीहरूको उल्लेखनीय सहभागिता थियो। उक्त कार्यक्रममा आयोजक टोलीले टप सब हिमालयन म्युजिक एण्ड फिल्म अवार्ड को उद्देश्य भनेकाे नेपाली चलचित्र तथा संगीत क्षेत्रलाई अन्तर्राष्ट्रिय स्तरमा प्रवर्द्धन गर्ने योजना, र न्यूयोर्कमा आयोजना हुने अवार्ड समारोहबारे जानकारी गराए। उपस्थित कलाकार, सञ्चारकर्मी तथा आयोजकहरूले नेपाली कलाकारहरूको योगदानलाई अन्तर्राष्ट्रिय मञ्चमा सम्मान गर्ने अवसरका रूपमा यस अवार्डलाई महत्वपूर्ण मञ्च हुने विश्वास व्यक्त गरे। अवार्ड समारोहमा टाइटल स्पोन्सर टप सप काठमाडौं सह-प्रायोजकको रूपमा समिप इन्टरटेनमेन्ट लाई चयन गरिएको छ,जसले नेपालमा म्युजिक र फिल्म उद्योगमा महत्त्वपूर्ण योगदान पुर्याएको छ।

साथै, ट्राभल पार्टनरको रूपमाड्रिम्स ट्राभल एण्ड टुरिजम प्रा।लिको नाम पनि जोडिएको छ। यस साझेदारीले अवार्ड कार्यक्रमको व्यवस्थापन र यात्रा सम्बन्धी सबै सेवा सुनिश्चित गर्ने काम गर्नेछ। यश हिमालयन म्युजिक एण्ड फिल्म अवार्डले १६ बिधानमा अवार्ड बितरण गर्ने नेपाली कलाकारहरूलाई सम्मान गरिनुका साथै लाइफटाइम अचिभमेन्ट अवार्ड पनि प्रदान गरिने छ। साेहि अवार्ड नेपाली कला, संगीत तथा चलचित्र क्षेत्रमा लामो समय योगदान पुर्‍याएका वरिष्ठ कलाकारलाई प्रदान गरिने छ।

यस अवार्डले नेपाली कलाकारहरूको मेहनत र समर्पणलाई अन्तर्राष्ट्रिय रूपमा सम्मान गर्ने उद्देश्य राखेको छ। यस विशेष अवार्ड समारोहमा नेपालका ख्यातिप्राप्त कलाकार, निर्देशक, संगीतकार, गायक तथा सञ्चारकर्मीहरूको सहभागिता रहने छ। साथै, अवार्ड वितरणका क्रममा सांगीतिक प्रस्तुति तथा अन्य विशेष कार्यक्रमहरू पनि समावेश गरिने जानकारी आयोजक समितिले दिएको छ !