कपिलवस्तु- बाबुछोरा मिलेर गर्भवतीको हत्यागरेको आरोपमा कपिलबस्तुमा प्रहरीले दुईजनालाई पक्राउ गरेको छ । कपिलवस्तुको यशोधरा गाउँपालिका ८ सिहोखोर निवासी २१ वर्षीय रहिसुन्निसा मुसलमानलाई झुन्ड्याएर मारेको आरोपमा उनीहरु पक्राउ परेका हुन् ।

उक्त घटनामा संलग्न भएको आरोपमा मृतकका श्रीमान २२ वर्षीय मोहम्मद नसिम अलि भाट मुसलमान र ५० वर्षीय ससुरा अब्बास अलि भाट मुसलमान पक्राउ परेका हुन् । उनीहरुमाथि अनुसन्धान सुरु भएको जिल्ला प्रहरी कार्यलय कपिलबस्तुका प्रहरी नायब उपरीक्षक धर्मराज भण्डारीले जानकारी दिए ।

मारेर पुरिएको शव उत्खनन गरेर पोष्टमार्टमका लागि लुम्बिनी प्रदेशिक अस्पताल बुटवल पठाइएको उनको भनाइ छ । प्रहरी प्रहरीकाअनुसार घटनाको विषयमा थप अनुसन्धान भइरहेको र हत्या गरीएकी महिला दुई महिनाको गर्भवती भएको खुलेको छ ।