भक्तपुर - भक्तपुरको मध्यपुर थिमि नगरपालिका-१ लोकन्थली चोकमा दूध बोकेको ट्याङ्करले ठक्कर दिदा एक जनाको मृत्यु भएको छ ।
प्रहरीका अनुसार सोमबार दिउँसो भक्तपुरबाट काठमाडौंतर्फ जाँदै गरेको वाग्मती प्रदेश ०२-०२५ प १६२० नम्बरको स्कुटरलाई सोही दिशातर्फ जाँदै गरेको वाग्मती प्रदेश ०१-००४ क ०५८० नम्बरको दूधको ट्याङकरले ठक्कर दिँदा
 स्कुटर चालक काभ्रेपलाञ्चोक बनेपा नगरपालिका-५ का ४५ वर्षीय नकुल थापाको मृत्यु भएको छ ।

ट्याङ्करको ठक्करबाट गम्भीर घाइते भएका थापाको उपचारका क्रमममा नागरिक कम्युनिटी हस्पिटल गठ्ठाघरमा मृत्यु भएको भक्तपुर प्रहरी प्रवक्ता डीएसपी राजु पाण्डेले जानकारी दिए।

ट्याङकर चालक भक्तपुर नगरपालिका-२ ब्यासीका ३५ वर्षीय राजन ब्याञ्जुलाई नियन्त्रणमा लिई आवश्यक अनुसन्धान भइरहेको प्रहरीले जनाएको छ ।