काठमाण्डौ- महानायक राजेश हमाद र निरुता सिंह अभिनित पहिलो म्युजिक भिडियो ‘हजुर मुसुक्कै’सार्वजनिक गरिएको छ । गत आइतबार गृह मन्त्री बालकृष्ण खाँडको प्रमुख आतिथ्यमा भिडियो सार्वजनिक गरिएको हो ।
गितमा गायिका रचना रिमाल र गायक कृष्ण बि.कको स्वर छ भने सुरेश अधिकारीको संगीत तथा शब्द रहेको छ । भिडियोमा जिवी आग्रीको कथा, पटकथा एवं निर्देशन रहेको छ । संजय लामाको छायाँकन र नृत्य निर्देशन कविराज गहतराजको रहेको छ ।
गीतको भिडियोमा राजेश हमाल र निरुता सिंहको अभिनय रहेको छ । साथै प्रिन्स विश्वकर्मा, प्रियना आचार्य, सुरविर पण्डित लगायत अन्य कलाकारहरुको अभिनय पनि देख्न सकिने छ । ओएसआर डिजिटलको अफिसियल च्यानल मार्फत भिडियो बजारमा सार्वजनिक गरिएको छ।