काठमाडौँ - पशुपति क्षेत्रमा बाबालाई छुरी प्रहार गर्ने एकजना पक्राउ परेका छन् । प्रहरीका अनुसार पक्राउ पर्नेमा चितवन जगतपुर नयाँबस्तीका ३७ वर्षीय ताराबहादुर लामिछाने रहेका छन् । उनलाई शुक्रवार बिहान ८ बजे काठमाडौंको हेपाली हाइटबाट उनलाई पक्राउ गरिएको प्रहरीले जनाएको छ। उनको साथबाट एक थान खुकुरी समेत बरामद गरेको प्रहरीको भनाई छ ।

सोमबार बिहान उनले पशुपतिमा एक बाबामाथि खुकुरी गरेर भागेलेको प्रहरीले जनाएको छ । पशुपति बस्दै आएका सन्तोष बाबालाई विश्वरूपा जाने बाटो छेउको झाडीमा खुकुरी प्रहार भएको थियो । शौचालय जाँदै गरेका उनलाई ताराबहादुरले ‘माल (गाँजा) निकाल’ भनेको प्रहरीले जनाएको छ। तर आफूसँग नभएको बताएपछि उनले पेटमा खुकुरी हानेर फरार भएका थिए। खुकुरी प्रहारबाट घाइते भएपछि बाबालाई वीर अस्पतालमा उपचारको लागि लगिएको थियो।