काठमाडौं- मनाङको चामे गाउँपालिकाबाट नेकपा एमालेले विजयी यात्रा सुरु गरेको छ। स्थानीय निर्वाचन २०७९मा गाउँपालिकाको अध्यक्ष पदमा पुनः एमालेका लोकेन्द्रबहादुर घले ३२० महितसहित आगामी ५ बर्षका लागि निर्वाचित भएका छन्। उनका प्रतिद्वन्द्वी नेपाली कांग्रेसका छिरिङ ध्वर्जे लामाले २७९ मत ल्याए। चामे गाउँपालिकाको उपाध्यक्षमा नेपाली कांग्रेसकी मिङ्मर डोल्मा लामा ३२५ मत ल्याएर विजयी भएकी छिन्।

एमालेकी आशाकुमारी गुरूङले २७४ मत ल्याइन। चामेको वडा नम्बर १ को अध्यक्षमा एमालेका र २ नम्बरमा कांग्रेसका वडाध्यक्ष निर्विरोध निर्वाचित भएका थिए। वडा ३ र ४ मा पनि नेपाली कांग्रेसकै उम्मेदवार विजयी भएका छन्। वडा नम्बर ५मा वडा अध्यक्षमा दुबै दलका उम्मेदवारले ३०–३० मत पाएका छन्।