२०८२ जेठ २५, आईतबार
२०८२ जेठ २५, आईतबार
काठमाडौं - इन्जिनियरिङ अध्ययन संस्थान (आईओई) ले बीई/बी आर्क स्नातक तहको प्रवेश परीक्षाको नयाँ मिति सार्वजनिक गरेको छ । संस्थान अन्तर्गतकाे डीन कार्यालयले एक सूचना प्रकाशित गर्दै कात्तिक १४ गतेदेखि प्रवेश परीक्षा सञ्चालन गर्नेगरी नयाँ मिति सार्वजनिक गरेको हो ।
साथै नयाँ भर्नाका लागि आईओईले नियमिततर्फ (छात्रवृत्ति) ५६ हजार ७०० र पूर्ण शुल्कीयतर्फ चार लाख ९० हजार रुपैयाँ शुल्क तोकेको छ ।
अब इच्छुक विद्यार्थीले असोज २२ देखि असाेज २४ सम्म अनलाइनमार्फत प्रवेश परीक्षा फाराम भर्नुपर्ने छ । यसअगाडि शुल्क वृद्धिको माग राख्दै विद्यार्थी संगठनले विरोध गरेपछि प्रवेश परीक्षा स्थगित भएको थियो ।
