विपक्षी गठबन्धन सरकारविरुद्ध सडक संघर्षमा उत्रिने भएको छ।  बुधबार साँझ कांग्रेस सभापति शेरबहादुर देउवानिवास बुढानिलकण्ठमा बसेको पाँच दलीय बैठकले प्रधानमन्त्री केपी ओलीबाट अलोतान्त्रिक र असंवैधानिक कदम नरोकिएको भन्दै जन परिचालन गर्ने निर्णय गरेको हो। 

गठबन्धनले संघर्षका कार्यक्रम तयार गर्न कार्यदल बनाएको छ । कार्यदलमा कांग्रेस महामन्त्री पूर्णबहादुर खड्का, माओवादी केन्द्रका नेता देव गुरुङ, जनता समाजवादी पार्टीका नेता राजेन्द्र श्रेष्ठ, एमाले नेता भीम रावल छन्। 

गठबन्धनले बिहीबारसम्ममा विरोधको ढाँचा तयार गर्ने र सो कार्यक्रम सार्वजनिक गरिने नेताहरूले बताएका छन्।

बैठकमा कांग्रेस सभापति देउवा, वरिष्ठ नेता रामचन्द्र पौडेल, महामन्त्री पूर्णबहादुर खड्का, नेता बालकृष्ण खाण, एमाले वरिष्ठ नेता माधव नेपाल, माओवादी केन्द्रका अध्यक्ष पुष्पकमल दाहाल प्रचण्ड, जसपा अध्यक्ष उपेन्द्र यादव, संघीय परिषद् अध्यक्ष डा भट्टराईलगायत नेता सहभागी थिए।