बैतडी - नेपाली काङ्ग्रेस बैतडीको जिल्ला सभापतिमा चतुर बहादुर चन्द बिजयी भएका छन। चन्दले ८ सय ९ मत प्राप्त गर्दै  सभापतिम निर्वाचित भएका हुन  । उहाँका निकटतम प्रतिद्वन्द्वी शिवराज भट्टले ४सय ८९ मत प्राप्त गरेका थिए । काङ्ग्रेस भित्रका  युवा नेताहरुको साथ पाएसङ्गै चन्दले बहुमत प्राप्त गरेका हुन ।
  निवर्तमान उपसभापति समेत रहेका चन्द नेपाल क्रीकेट संघ (क्यान) का अध्यक्ष समेत हुन ।  यसैगरि उपसभापतिमा वीर बहादुर बिष्ट  र खगेन्द्र सिह धामी निर्वाचित भएका छन । बिष्टले ६५८ मत प्राप्त गरेका हुन भनेधामीले ६२४ मत प्राप्त गरेका हुन ।
 सचीवमा प्रेम बहादुर चन्द र देवराज जोशी बिजयी भएका छन । चन्दले ६४० मत प्राप्त गरेका छन भने जोशीले ६३३ मत प्राप्त गरेका छन । यसैगरी सह सचीवमा दिपेन्द्र बहादुर चन्द र दशरथ सिह चाड बिजयी भएका छन । चन्दले ६६६मत प्राप्त गरेका हुन भने चाडले  ६५४ मत प्राप्त गरेका हुन । 

बैतडीमा १ हजार ४०९ जना प्रतिनिधि मध्ये १ हजार ३४८ मत खसेको थियो । बैतडीमा संस्थापन पक्षका एकजना उपसभापति बाहेक अरु सबै पदमा चन्द पक्षका उम्मेद्वार विजयी भएका छन् ।