काठमाडौँ । विवेकशील साझा पार्टीका अध्यक्ष रवीन्द्र मिश्रले देश गम्भीर संकटतर्फ उन्मुख भएको टिप्पणी गरेका छन् । देशका बहालवाला र भूतपूर्व प्रधानमन्त्री ‘सहसचिव’को स्तरमा झरेर विदेशीलाई पत्र लेखेको भन्दै उनले यस्तो टिप्पणी गरेका हुन् । 

प्रधान मन्त्री शेरबहादुर देउवा र पूर्व प्रधानमन्त्री पुष्पकमल दाहाल ‘प्रचण्ड’ ले एमसीसीलाई पत्र लेखेको विषयलाई उनले ‘सहसचिव’ को स्तरमा झरेको उल्लेख गरे । उनले विभिन्न ६ वटा बुँदा उल्लेख गर्दै देश गम्भीर संकट उन्मुख रहेको उल्लेख गरेका छन् ।

मिश्र लेख्छन् :-

• जब देशको बहालवाला र भूतपूर्व प्रधानमन्त्री ‘सहसचिव’को स्तरमा झरेर विदेशीलाई पत्र लेख्छन्,
• बहालवाला प्रधानमन्त्री विदेशी गुप्तचर निकायको प्रमुखलाई मध्यरातमा भेट्छन्,
• कोही भूतपूर्व प्रधानमन्त्री ‘होली वाइन’ मा नुहाउँछन्
• कोही जातीयता र क्षेत्रीयताको नारा चर्काउँछन्
• तिनकै पछाडि निहित स्वार्थले देशका धेरै बुद्धिजीवी, व्यापारी, र गलत बुझाइले बहुसङ्ख्यक नागरिक दौडिन्छन्
• देशका सबै भनेजसो सार्वजनिक संस्थाहरू अशास्य (unruly) भएर जान्छन्
• बुझे हुन्छ देश गम्भीर संकट उन्मुख छ ।