२०८२ पुस ७, सोमबार
२०८२ पुस ७, सोमबार
भारतको इस्ट बंगालले शनिबार साफ वुमेन्स क्लब च्याम्पियनसिपको उपाधि जितेको छ । दशरथ रंगशालामा भएको खेलमा उसले नेपालको एपीएफलाई सजिलै ३–० ले पराजित गरेको हो ।
भारतीय च्याम्पियनका लागि युगान्डाकी फजिला इक्वापुटले २ गोल गरिन् । उनले २२ औं मिनेटमा पहिलो गोल गरेपछि ४६ औं मिनेटमा दोस्रो गोल थपिन् । त्यसबीच सिल्की देवीले ३५ औं मिनेटमा दोस्रो गोल गरिन् ।
पूरा प्रतियोगितामा अपराजित इस्ट बंगालले पाँच खेलमा कुनै गोल पनि खाएन् । लिग चरणमा पनि इस्ट बंगालले नै शीर्ष स्थानमा रहेको थियो । इस्ट बंगाल र एपीएफबीच भएको लिग चरणको खेल गोलरहित बराबरीमा टुंगेको थियो ।
फाइनलमा भने एपीएफले इस्ट बंगालसामु बलियो चुनौती पेस गर्न सकेन र पूरा खेल अवधिमा कुनै पनि निर्णायक सावित हुन सक्ने आक्रमण बुन्न सकेन । यो जितसँगै इस्ट बंगालले १० हजार डलर पनि हात पारेको छ ।
