२०८१ मङ्सिर २८, शुक्रबार
२०८१ मङ्सिर २८, शुक्रबार
सल्यान- आफ्नै ३ जना नातेदारलाई एसिड प्रहार गरेको अभियोगमा १ जना पक्राउ परेका छन् । पक्राउ पर्नेमा सल्यान दार्मा गाउँपालिका ३ चम्फुटाकुरा बस्ने ५० वर्षीय बेचे रावत रहेका छन् । उनलाई सोमबार साँझ प्रहरीले पक्राउ गरेको हाे ।
रावतले मादक पदार्थ सेवन गरी लेनदेनको विषयलाई लिएर एसिड प्रहार गर्दा सोही ठाउँस्थित आफ्नै पसलमा बसिरहेका उनकै भाइ समेत ३ जना घाइते भएका थिए ।
उनलाई इलाका प्रहरी कार्यालय दार्माबाट खटिएको प्रहरीले उनलाई अन्दाजी २२ लिटर एसिड सहित पक्राउ गरेको हो । तीनै जना घाइतेहरुलाई उपचारको लागि नेपालगन्ज पठाइएको छ ।
घटना सम्बन्धमा प्रहरीले थप अनुसन्धान गरिरहेको छ ।
