टाेकियाे। जापानमा बसोबास गर्ने नेपाली समुदायमा प्रेरणा,आत्मविश्वास र सकारात्मक सोच अभिवृद्धि गर्ने उद्देश्यले एक प्रेरणामुलक कार्यक्रम हुने भएको छ । गैरआवासीय नेपाली संघ (एनआरएनए) जापानको आयोजना तथा अन्तर्राष्ट्रिय नेपाली साहित्य समाज (अनेसास) जापान च्याप्टरको सह–आयोजनामा जापानका बिभिन्न शहरहरुमा फरक फरक मितिमा यस्तो प्रेरणामुलक कार्यक्रम गर्न लागिएको हो ।

महानायक राजेश हमालको प्रमुख उपस्थितीमा हुने तय भएको कार्यक्रममा महानायक हमालले आफ्नो जीवनयात्रा, निरन्तर साधना, संघर्ष र सफलतासम्मको अनुभवहरु साझा गर्दै प्रेरणादायी भनाईहरु राख्नुहुने भएको छ । साथै महानायक हमालद्धारा लिखित चर्चित पुस्तक युगदेखि युगसम्म लाई लेखक स्वयंको हस्ताक्षरसहित उपलब्ध गराउने व्यवस्था गरिएको आयोजक संस्थाले जानकारी दिएको छ ।  

सबै कार्यक्रममा प्रवेश निःशुल्क गरिएकाेले  तल उल्लेखित पायक पर्ने शहरहरूमा उपस्थितीका लागी आयोजनक संस्थाले अनुराेध गरेकाे छ । 

कार्यक्रमको मिति, समय र स्थान

१) टोकियो

मिति: फेब्रुअरी ११ (बुधबार)

समय: साँझ ६:३० बजेबाट

स्थान: Nakano Zero Hall, Nakano City

२) शिजुओका

मिति: फेब्रुअरी १४ (शनिबार)

समय: साँझ ६:००–९:००

स्थान: Miraie Community Hall, Shizuoka

३) नागोया

मिति: फेब्रुअरी १५, २०२६

समय: १७:०० बजेबाट

स्थान: Nagoya International Center, Nagoya

४) ओसाका (कान्साइ क्षेत्र)

मिति: फेब्रुअरी १७ (मंगलबार)

समय: १६:३०–२१:१५

स्थान: Osaka Abeno Civic Center

५) फुकुओका

मिति: फेब्रुअरी १९ (बिहीबार)

समय: साँझ ६:०० बजेबाट

स्थान: Hakata Cimin Center, Fukuoka