ओखलढुंगा- ओखलढुंगामा मोटरसाईकलको ठक्करबाट एक जना पैदल यात्रीको मृत्यु भएको छ । सिद्धिचरण राजमार्गको मानेभञ्ज्याङ गाउँपािलका– ५ ताराबारीमा मोटरसाईकलले ठक्कर दिँदा स्थानीय ५० बर्षीया कर्ममाया मगरको मृत्यु भएको हो ।बुधबार साँझ पौने ५ बजे ओखलढुंगा सदरमुकामबाट हर्कपुर तर्फ जादै गरेको बा ३६ प ३५२२ नम्बरको मोटरसाईकलको ठक्करबाट गम्भिर घाईते भएकी मगरको ओखलढुंगा सामुदायिक अस्पताल ओखलढुंगामा उपचारको क्रममा बेलुका सवा ७ बजे मृत्यु भएको जिल्ला प्रहरी कार्यालय ओखलढुंगाका प्रहरी प्रमुख गोविन्दराज काफ्लेले जनाकारी दिए ।हाल मोटरसाईकल र मोटरसाईकल चालक सोही स्थानका २१ बर्षीय रेवत बहादुर पुलामी मगर प्रहरी चौकी मानेभन्ज्याङको नियन्त्रणमा रहेको जिल्ला प्रहरी कार्यालय ओखलढुंगाले जनाएको छ। घटना सम्बन्धमा थप अनुसन्धान भईरहेको प्रहरीले जनाएको छ ।