काठमाडौं - नेपाली कांग्रेसकी नेतृ सिर्जना सिंहले नेता रामचन्द्र पौडेलको कटाक्षप्रति जवाफ फर्काएकी छिन् । पौडेलले काठमाडौंमा उम्मेदवार नै चयन ठीक नभएको भन्दै बोलेपछि कांग्रेसको तर्फबाट उम्मेदवार बनेकी सिंहले जवाफ दिँदै विगतमा पाैडेललाई गरेकाे सहयाेगकाे स्मरण गराएकी हुन् ।

प्रकाशमानले भन्दा पहिले पौडेलले आफ्नो राजनीतिक यात्रा चिनेको र थाहा पाएको भन्दै सिंहले पौडेल गोरखाको जेलमा पर्दा दिएको साथ र सहयोग बिर्सेको पनि बताएकी छिन् ।

‘‘मेरो राजनीतिक यात्रामा प्रकाशमानले भन्दा तपाईंले पैला चिन्नु भएको, थाहा पाउनु भएको, हामी छिमेकी जिल्लावासी पनि मेरो बिहेअघि तपाईं गोरखामा जेल पर्नुहुँदाको समयमा मेरो साथ र सहयोग बिर्सनु भएको हो दाई ? यो कुरा तपाईंको मुखबाट आउँदा भन्दा अलि सुहाएन कि दाइ’ सिर्जनाले ट्वीटरमा लेखेकी छिन् ।